Damb er objectiu de dinamizar era celebracion mès enlà des actes institucionaus, eth Conselh Generau a organizat tanben actuacions infantiles e entà adults en Vielha, Arties e Bossòst ath long dera vrespada deth dia 17. Atau madeish, er alcalde de Balaguer harà entrèga des actes des juntes de govèrn dera darrèra epòca liberau qu’enquia ara se sauvauen en caplòc dera Noguèra en un acte previst entath madeish dia ena Casa deth Senhor d’Arròs, a on eth Plen aufrirà tanben un aumenatge as conselhèrs generaus defuntadi d’ençà dera reinstauracion deth Conselh. Eth Sindic a remercat tanben era importància que "per prumèr còp era Hèsta d’Aran se pogue celebrar en Barcelona entàs aranesi que i demoren atau coma entà dar a conéisher era nòsta realitat nacionau". Es actes auràn lòc ena plaça deth Rei, a on s’impartirà ua conferéncia sus era realitat aranesa e se harà ua lectura de tèxtes literaris aranesi e un grop occitan amenizarà es actes damb musica e balh.
Programa d’activitats
Dia 13 de junh
9.00 – 15.00 ores: Jornada de pòrtes dubèrtes deth Conselh Generau d’Aran. Lòc: Passeg dera Libertat, num. 16, Vielha e Mijaran.
19.00 ores: Inauguracion dera exposicion de diboishi deth concors infantil de diboish. Lòc: Musèu de Vielha.
Dia 16 de junh
20.00 ores: Serada d’autrejament des Prèmis 17 de junh e des prèmis des concorsi literaris Mn. Condò e Aran de Literatura. Lòc: Santuari de Mijaran.
Dia 17 de junh: Hèsta d’Aran
10.00 ores: Recepcion deth Mgfc. Sr. Sindic d’Aran a totes es autoritats e convidats ena sedença deth Conselh Generau d’Aran. Lòc: sedença deth Conselh Generau.
10.30 ores: Desfilada des pendons amiadi per representants de cada terçon enquiath Santuari de Nòsta Senhora de Mijaran.
11.00 ores: Missa solemna celebrada en Santuari de Nòsta Senhora de Mijaran.
12.00 ores: Acte institucionau dera Hèsta d’Aran. Lòc: Ruïnes der antic Santuari de Mijaran.
– Issada de drapèu
– Parlaments d’autoritats
– Dances araneses
– Aperitiu entà toti es assistents
17.30 ores: Aumenatge deth Plen deth Conselh Generau as conselhèrs generaus traspassadi. Lòc: Casa deth Senhor d’Arròs.
18.00 ores: Actuacions infantiles en Arties e Bossòst tàs 18.00 ores e en Vielha entàs 19.30 ores.
18.30 ores: Acte de restitucion dera documentacion sauvada en Ajuntament de Balaguer ath Conselh Generau d’Aran. Lòc: Casa deth Senhor d’Arròs.
19.30 ores: Actuacion entà mainatges e adults ena Plaça dera Glèisa de Vielha.
Actes de celebracion dera Hèsta d’Aran en Barcelona
17 de junh. Des 19 ores as 22 ores ena plaça deth Rei de Barcelona:
Conferéncia – collòqui sus Aran a cargue de professors d’aranés deth Conselh Generau d’Aran.
Lectura de poèmes e tèxtes literaris aranesi per part des alumnes des corsi d’aranés deth Conselh Generau d’Aran en Barcelona.
Balh de plaça damb eth grop occitan Maribèl.
Vielha, 10 de junh de 2008