UA aspire a revalidar era majoria en Conselh e tornar a èster prumèra fòrça municipau

 

D’aguesta forma, UA preten consolidar era sua plaça de principau fòrça politica en Aran perque, en paraules deth secretari generau, “compdam damb eth projècte que mès se semble a Aran, as sòns pòbles e ara sua gent, perque eth nòste ei, en definitiva, un projècte dubèrt, solid, transversau, respectuós e propositiu”.

UA a presentat candidatures en toti es municipis e en toti es terçons, a excepcion d’Arties e Garòs, a on se presente eth PRAG, damb eth quau manten ua aliança politica de supòrt ara governabilitat en Conselh.

Eth cambi que hè 4 ans se produsic en Conselh, ara ei possible de hèr-lo realitat en Vielha-Mijaran, dera man de Juan Riu, que ja guanhèc en 2007, e en Naut Aran, dera man de Víctor Rodríguez”, a declarat Paco Boya. UA demore tanben consolidar era sua majoria en Les, Bossòst e Canejan e auer possibilitats reaus de governar ena rèsta de municipis aranesi (Es Bòrdes, Arres, Bausen e Vilamòs), perque “UA ei ua fòrça de transformacion e bon govèrn”.

Leyendo comentarios Facebook...
Loading Disqus Comments ...

You must fill in your Livefyre SiteID in the Comments Evolved plugin options.

No Trackbacks.