Unitat d’Aran a establit era proximitat coma un des sòns èishi programatics mès importants entà Aran e Vielha-Mijaran. De hèt, era proximitat ei un des valors que mielhor definissen a Juan Riu, prumèr candidat d’UA en caplòc aranés. En aguest sens, er alcaldable, qu’a visitat es pòbles d’Aubèrt e Arròs, a declarat que “Vielha-Mijaran a de besonh persones propères, que siguen ath costat des vesins e vesies, especiaument en aguesti moments de dificultats entà fòrça familhes”. “Cau tocar de pès en tèrra, deishar de véner hum, e passar ara accion deth dia a dia damb un equip preparat, illusionat e damb ganes de trabalhar”, segontes Riu.
Eth nòste projècte ei Aran. Aran ès tu