Unitat d’Aran a metut en marcha per dusau an era campanha solidària de recuelhuda de joguets Regala ua rialha entà Nadau, qu’a per objectiu balhar supòrt as familhes qu’actuaument passen dificultats.
Eth partit remassarà es joguets enquiath dia 30 de deseme ena sua sedença, en Vielha, de 10.00 h a 14.00 h. Aguesti an d’èster en bon estat e non electrics, d’edats entre es 0 e es 16 ans.
Era secretària d’Organizacion, Maria Vergés, a explicat que “enguan volem repetir aguesta campanha pr’amor que pensam qu’era situacion, luenh d’auer melhorat, a empitjorat entà fòrça d’aguestes persones, e es mès petiti, malurosament, tanben en patissen es conseqüéncies”.
“Èm conscients qu’ei en Nadau quan es mainatges e mainades que non an jamès un present en aguestes dates son mès conscients dera desigualtat sociau que patissen”, segontes eth president d’UA, Arturo Calbetó.
Dates de remassada: deth 17 ath 30 de deseme. Lòc: Sedença d’Unitat d’Aran. Orari: 10’00-14’00 de deluns a diuendres
Dates de repartiment as familhes interessades: 2,3 e 4 de gèr. Lòc: Sedença d’UA. Orari: 10’00-14’00.