A prumèrs deth mes de hereuèr Unitat d’Aran presentaue en Conselh Generau ua mocion tà demanar ara Deputacion de Lleida supòrt tar espòrt aranés, un viatge coneishuda era notícia qu’era candidatura des estacions dera província de Lleida a estat desestimada e en tot saber qu’era Deputacion de Lleida a aportat 40.000 euros entà collaborar enes trabalhs dera candidatura deth Pirenèu gironin coma sedença des Jòcs Olimpics d’Iuèrn.
“Des d’Unitat d’Aran consideram qu’era Deputacion de Lleida aurie de dedicar aguesti sòs ara promocion der espòrt ena nòsta demarcacion, entà atier es besonhs des diuèrsi esportistes d’èlit damb es que dejà compde aguest territòri, e era Val d’Aran en particular, e que pòden optar a competir en ues futures olimpiades d’iuèrn”, segontes afirmaue Francés Boya, conselhèr e secretari generau d’UA.