T’explicam. Deseme 2013

Planvolut/da amic/ga,

Aguesti dies era Generalitat de Catalunya a aprovat es sòns pressupòsti tar an 2014. Son uns pressupòsti enes que, Aran e eth Pirenèu en gessen fòrça mau paradi. Era retalhada qu’eth nòste país patirà serà deth 80% respècte des inversions der an anterior. Ei a díder, ua inversion nulla que deisharà ath país sense cap alternativa tara reparacion des grani maus que patirem pes aiguats deth passat 18 de junh. Ues reparacions tàs qu’era Generalitat soqnue a aportat 100.000 €, e semble que damb aguesta chifra, da per completada era sua aportacion.

Ei lamentable que, a despièch des malurs d’aguest parçan deth Pirenèu, era inversion dera Generalitat se destine tath nau aeropòrt dera Seu d’Urgell, a on s’i invertís mès d’un milion d’euros, en tot demorar pendent en Aran era reconstruccion des pònts, era recuperacion des lanes, des espacis agraris, e de tanti d’auti àmbits damnificadi pera riuada.

Ei per aguest motiu que, a trauès deth grop deth PSC en Parlament de Catalunya, auem demanat que se destinen tres milions d’euros tà hèr front ara reconstruccion des infraestructures toristiques e servicis pendents de reparacions enes pòbles afectats pera riuada. Aguesta demana se hig as iniciatives ja presentades en aguest Parlament peth pròpri PSC entà sollicitar ajudes tà Aran, iniciatives qu’an estat votades en contra per CiU e tanben peth deputat aranés e alcalde de Vielha Mijaran, Alex Moga, tot e auer estat aprovades en Plen deth Conselh Generau d’Aran per toti es grops politics.

Ad aguestes dures retalhades per part dera Generalitat, cau híger es retalhades der Estat Espanhòl, que tara provincia de Lleida seran deth 40% respècte der an passat, çò qu’evidencie eth desinterès des partits en govèrn pes nòstes tèrres, mès enlà de convertir-les en magasèms de vòts tà quan arriben es eleccions.

Ei per’mor d’aguesta situacion, e entà qu’era informacion arribe a toti e totes, que volem ahiscar-te a difóner e hèr a conéisher era realitat des chifres ara gent que non gaudís d’informacion sus aguesti ahèrs.

Ja sabes que demori ara tua disposicion tà quinsevolh ahèr que sigue deth tòn interés.

Coraument

Paco Boya

Secretari Generau

Aran, deseme de 2013

Leyendo comentarios Facebook...
Loading Disqus Comments ...

You must fill in your Livefyre SiteID in the Comments Evolved plugin options.

No Trackbacks.