Boya: “Era unica solucion ei votar de forma legau e pactada”

Eth Conselh Generau apròve per unanimitat ua mocion a favor d’ua consulta legau sus eth futur de Catalonha e Aran

Es grops deth Conselh Generau an aprovat aué ua mocion a favor d’ua consulta legau sus eth futur politic de Catalonha e Aran e entà qu’es institucions catalanes tenguen en compde era veu pròpria e diferenciada deth pòble aranés, en tot reconéisher tanben eth sòn dret de decidir coma territòri singular, d’acòrd damb er Estatut d’Autonomia.

Eth conselhèr pòrtavotz d’Unitat d’Aran, Paco Boya, a manifestat que “era unica solucion ei poder votar, de forma legau e pactada”. “Ua auta causa ei saber ce coma e damb quina pregunta”, a especificat, dempús dera suspension cautelar dera Lei de consultes non referendàries e era convocatòria dera consulta deth 9 de noveme, per part deth Tribunau Constitucionau.

En tot cas, “era nòsta prioritat ei deféner era singularitat territoriau d’Aran e eth blindatge deth sòn autogovèrn coma esturment de prosperitat a favor de toti es aranesi”, segontes Boya.

Fòto: @cati_aran

Leyendo comentarios Facebook...
Loading Disqus Comments ...

You must fill in your Livefyre SiteID in the Comments Evolved plugin options.

No Trackbacks.