Boya demane un debat public damb Alex Moga sus era naua Lei d’Aran

Paco Boya reclame debàter damb eth deputat aranés en Parlament entà demostrar s’aguesta ei era melhor Lei tara ciutadania d’Aran

Eth Conselhèr Generau, e secretari generau d’Unitat d’Aran, Paco Boya a demanat publicament poder mantier un debat damb er actuau deputat aranés en Parlament de Catalunya, e alcalde de Vielha, Alex Moga ath torn dera naua Lei d’Aran.

Entà Boya: “aguesta naua Lei, qu’ara se tramite en Parlament, ei un enganh entà Aran, pr’amor qu’eth rèpte ei un nau sistèma de finançament que possibilite qu’eth Conselh Generau prèste uns servicis publics de qualitat.
Totun CiU e eth sòn deputat aranés, Alex Moga, non i an volut introdusir eth nau modèl de finançament, qu’eth pròpri Conselh Generau d’Aran, deth sòn madeish partit, encomanèc ara Universitat de Barcelona, e que met de manifèst qu’era maxima Institucion aranesa patís un deficit de 8 milions d’euros annaus”.

Ei pr’amor d’açò, e entà qu’es ciutadans agen tota era informacion de prumèra man e coneishen eth posicionament des sòns representants publics ath torn d’aguesta qüestion, vitau entath futur d’Aran, que considère de besonh un debat public damb eth senhor Moga, “entà que tanben explique per qué non a volut presentar cap propòsta entà melhorar eth sistèma de finançament aranés” segontes paraules de Boya.

Leyendo comentarios Facebook...
Loading Disqus Comments ...

You must fill in your Livefyre SiteID in the Comments Evolved plugin options.

No Trackbacks.