Boya: “Es nòstes prioritats son recuperar es servicis publics e acabar damb er amiguisme”

Amassada de trabalh des candidats d’Unitat d’Aran

Joeni e joenes enes listes d’UA

Es candidats e candidates d’Unitat d’Aran enes ajuntaments, pedanies e Conselh Generau an mantengut ua session de trabalh entà encarar era pròplèu campanha tàs eleccions deth 24 de mai, en ua amassada qu’a auec lòc ager ena sedença deth partit en Vielha.

Eth candidat a Sindic e secretari generau, Paco Boya, a explicat que “era campanha servirà tà explicar as aranesi que, deuant era manca de projècte pròpri de CDA, ei prioritari recu-perar es servicis e es politiques publiques restacades damb er emparament ara nòsta gent grana e as nòsti joeni e damb era reactivacion dera nòsta economia, atau coma acabar damb es practiques d’amiguisme qu’an agut lòc en Conselh enes darrèri ans”.

Presentam equips solvents, renauidi e damb es idèes clares entà un Aran mès just, pròsper e dinamic”, a declarat. Segontes Boya, “eth Conselh non a de competir damb es ajuntaments, senon qu’a de liderar un projècte de país que se preocupe per reforçar era sanitat e es servicis geriatrics, afavorir er emplec e generar oportunitats entàs joeni”. Boya a recalcat qu’es candidatures d’UA “compden damb un gran nombre de joeni e joenes comprometudi, valenti e formadi, entot possar era renovacion ena politica aranesa”.

 

Leyendo comentarios Facebook...
Loading Disqus Comments ...

You must fill in your Livefyre SiteID in the Comments Evolved plugin options.

No Trackbacks.