Unitat d’Aran encete era campanha electorau damb fòrça e damb era volontat de cambiar es causes

Er espaci d’Era Audiovisuau en Vielha s’a amplit en acte d’inici de campanha a on s’an presentat es propòstes d’UA tath Conselh Generau d’Aran e tar Ajuntament de Vielha.

Mès de cent persones an assistit ar acte d’inici de campanha d’Unitat d’Aran, a on an prenut part es candidats ath Conselh Generau d’Aran e ar Ajuntament de Vielha. En aguest acte an destacat es intervencions des caps de lista des terçons, qu’an coincidit en remercar era “volontat e illusion d’ajudar a melhorar es sòns territòris”, bèri uns fòrça abandonadi per actuau Conselh Generau, gobernat per CDA, atau e coma an manifestat Rosa Mirat, Oriol Sala e Mario Calles, candidats per Lairissa: “Lairissa se mos morís, volem qu’es nòsti pòbles siguen actius e modèrns e non volem un Conselh que campe entà un aute costat”, segontes Sala.

Era illusion e era fòrça son es dues caracteristiques que toti es candidats e candidates an destacat: “Coma emprenedor è patit granes dificultats tà gésser endauant em e presenti perque sò disposat a cambiar es causes e perque non voi qu’arrés age de trobar-se damb tanti problèmes tà tirar endauant eth sòn negòci”, manifestaue Carlos Sanllehy, candidat d’UA per Arties e Garòs.

En acte se presentèc tanben era candidatura d’UA entà Vielha, e eth sòn cap de lista e alcaldable, Juan Antonio Serrano, expliquèc quauques des propòstes mès destacades deth sòn programa, que declaraue que: “Es nòstes prioritats son clares: es persons e eth sòn benèster, era reactivacion ecomica e deth trabalh e era transparéncia. Volem que Vielha Mijaran sigue un municipi tà toti, sense amiguismes ne favoritismes”. Ua des prepauses mès destacades tà Vielha ei era adequacion dera actuau sala polivalenta coma centre de congrèssi e sala d’activitats.
A barrat er acte eth candidat a Sindic Paco Boya, qu’a exposat quini son es motius pes que Aran a de besonh un cambi: “En aguesti quate ans, Aran a anat endarrèr. Mos presentam ad aguestes eleccions entà governar tà toti, Aran a de besonh grani consensi entà amiar endauant es projèctes de país, tà melhorar era vida des ciutadans”. Atau madeish higie que “non se pòt perméter qu’eth Sindic d’Aran sonque govèrne tàs amics e tàs qu’an eth sòn madeish politic. Jo voi èster eth Sindic de toti, atau e coma ac hí hè quate ans”.

Entà finalizar er acte s’amièc a tèrme era penjada de cartèls electoraus de manèra virtuau ena pantalha deth cine.

ACTE INICI 1

Leyendo comentarios Facebook...
Loading Disqus Comments ...

You must fill in your Livefyre SiteID in the Comments Evolved plugin options.

No Trackbacks.