Unitat d’Aran manifèste eth sòn supòrt a David Grosclaude en grèva de hame per occitan

Eth conselhèr regionau occitan d’Aquitània, David Grosclaude, comencèc eth 27 de mai ua grèva de hame en protèsta peth “mensprètz ara lengua occitana per part deth govèrn francés”.

David Grosclaude, delegat tàs lengues regionaus, començaue eth passat 27 de mai ua grèva de hame en edifici deth Conselh Regionau d’Aquitània en Bordèu. Segontes Grosclaude, era rason d’aguest hèt a estat eth mensprètz per occitan per part deth govèrn francés.

Pendent es darrères setmanes, eth govèrn francés reformèc eth sistèma educatiu. Eth resultat ei qu’es lengües regionaus ja non s’ensenharàn a compdar dera dusau etapa der ensenhament primari, as 11 ans. Açò se hig ara manca de lòcs d’ensenhament des calandretes. Es regions d’Aquitània e Meddia Pirenèus acordèren en junh de 2014 amassar esfòrci a trauès der Ofici Public dera Lengua Occitana, que ja existís tath basc e breton, mès que n’aguest cas er Estat Francés non a validat.

Pera sua part, Paco Boya, secretari generau d’UA, a hèt a arribar ath prumèr ministre francés, Manuel Valls, ua carta,ena sua condicion de senador e conselhèr deth Conselh Generau d’Aran, entà contribuïr ena mesura de çò de possible, entà qu’er Estat Francés reconsidère era sua postura. “Aran compartís er occitan damb es regions franceses deth nòrd, e sabem qu’eth futur dera nòsta lengua depén tanben des decisions que prene eth govèrn francés”, a manifestat Boya.

Leyendo comentarios Facebook...
Loading Disqus Comments ...

You must fill in your Livefyre SiteID in the Comments Evolved plugin options.

No Trackbacks.