UA demane un transpòrt public tàs alumnes dera Escòla d’Ostalaria

Eth partit aranés a sollicitat qu’es oraris deth transpòrt poguen adapta-se as d’estudi des joeni qu’assistíssen ad aguest centre.

Actuaument, es centres docents d’Aran an abilitada ua linha de transpòrt public adaptada as oraris lectius des madeishi. Era Escòla d’Ostalaria plaçada en Les ei er unic centre que non compde damb aguest tipe de servici. “Ei un servici basic ath que pensam que tanben an dret era setantea d’escolans tamb es qu’actuaument  compde era Escòla, pr’amor de garantir-ne er accés ath centre”, explique Francés Boya, conselhèr portaveu d’Unitat d’Aran.

Era ofèrta educativa d’aguest Institut, hè que non solet compde damb escolanat dera Val d’Aran, se non que tanben i age alumnes de d’auti endrets. “Er hèt de non auer un transpòrt public tamb un orari avient, provòque un problèma mès, ath delà des pròpris inconvenients der alotjament, entàs alumnes e es sues familhes,” acabe dident eth Conselhèr.

Aguesta demana siguec presentada per Unitat d’Aran en plen deth Conselh Generau dera passada setmana tà qu’er equip de govèrn dera maxima institucion l’avalòre, coma responsable deth servici public de transpòrt.

 

Aran, 22 de seteme de 2016

Leyendo comentarios Facebook...
Loading Disqus Comments ...

You must fill in your Livefyre SiteID in the Comments Evolved plugin options.

No Trackbacks.