UA sollicite ath Conselh Generau melhorar es oraris de busi dera linha Barcelona – Val d’Aran

Actuaument es usatgèrs deth servici se ven obligadi a demorar mieja ora en Vielha entà poder accedir a un aute coche que les pòrte entàs pòbles deth baish e naut Aran.

Unitat d’Aran a demanat que se hèsque ua modificacion de orari deth servici de transpòrt intèrn tà esvitar qu’es usatgèrs demoren en arribar en Vielha.

Es viatgèrs qu’utilitzen aguesta linha an de demorar en Vielha entà poder contunhar eth viatge enquiath sòn destin ena Val d’Aran. “Aguest servici public ei basic non solet tath nòste torisme, se non sustot tàs aranesi que viuen dehòra d’Aran o qu’an d’utilizar aguest transpòrt assiduament, coma son es nòsti joeni qu’estudien dehòra”, explique Francés Boya, conselhèr portaveu d’Unitat d’Aran.

Aguesta demana, que siguec presentada per Unitat d’Aran en darrèr plen deth Conselh Generau, tanben inclodie era melhora des marquesines de demora e se requeric que se revisen es relòtges que mèrquen es tempsi de pas des busi, pr’amor que quaqui d’eri non funcionen corrèctament.

 

Aran, 23 de març de 2017

Leyendo comentarios Facebook...
Loading Disqus Comments ...

You must fill in your Livefyre SiteID in the Comments Evolved plugin options.

No Trackbacks.