tancar

Accés usatgèrs

Accès exclusiu as usatgèrs enregistradi.
Usatgèrs
30au aniversari UA - Hèsta duberta - 29 agost 12 ores - Passeig Libertat, Vielha
Unitat d’Aran reclame ar Ajuntament de Vielha – Mijaran qu’ajude as familhes afectades pes ventades PDF Imprimeix Correu electrònic
Escrit per webmaster   
dimecres, 10 de març de 2010 14:19

Joan Riu exigís agilizar es tràmits des assegurances entà curbir es desperfèctes



Eth pòrtavotz d’Unitat d’Aran – PSC en Ajuntament de Vielha – Mijaran, Joan Riu, a adreçat un prec ar alcalde Pau Perdices (CDA), a on li demane que “prengue totes es mesures possibles entà ajudar as persones damatjades pes fòrtes ventades, en tot solatjar era sua situacion de forma immediata”.
Joan Riu, tanben deputat provinciau, a anonciat qu’era Deputacion de Lleida “sollicitarà as assegurances qu’agilizen es tràmits entà curbir es desperfèctes”, pr’amor de tractar-se de viuendes de prumèra residéncia e atenuda era climatologia advèrsa e imprevisibla.

En aguest sens, eth pòrtavotz d’UA a demanat ar Ajuntament de Vielha que “some esfòrci” e pressione tanben ath Consòrci de Compensacion d’Assegurances e as pròpries companhies d’assegurances entà qu’agilizen ath maximom era resolucion des sinistres declaradi, en tot méter a disposicion des vesins es servicis tecnics der Ajuntament.

Joan Riu enten qu’er Ajuntament a de poder “facillitar, s’atau ac demanen es interessadi, es mieis mecanics e tecnics municipaus entà apraiar provisionaument es desperfèctes”, e tanben requerís qu’eth consistòri “mete a disposicion des vesins, de forma gratuïta, es mètres cubics de husta qu’agen de besonh entara reparacion des tets afectadi, com a estat costum ath long dera istòria, e coma dret consolidat de toti es vesins d’Aran”.